நீயா..? நானா..?

ஒரு காதலின் 

இரு பிரதிகள் -

நீயும், நானும்...!

நிசப்தங்களின் மத்தியில்

முத்தங்களின் பரிமாற்றம்...!

ஆசைகளை அடைந்துகொள்ள தொடரும்

விட்டுக் கொடுப்புக்களின் போராட்டம்...!

விட்டுக்கொடுப்பின் வேகம் 

விளங்குது உன் கண்களில் -

தோற்பது

நீயா..? நானா..?

**************************

சத்தமின்றி முத்தமிடுகிறாய்,

கள்ளமின்றி காதல் செய்கிறாய்,

சின்னதான சண்டை வைக்கிறாய்,

சிரிக்கும் போது என்னைக் கொள்கிறாய்...!

ரசித்தபடி இடையைப் பிடித்து

இழுத்தணைத்துக் கொள்கிறேன் -

என்னுள்ளே  நுழைந்து, 

உயிரோடு கலக்கிறாய்...!

**************************

காலங்கள் ஓடாதா...!

காத்திருப்புக்கள் ஓயாதா...!

தொலைதூரம் வந்த பின்

தொட்டுச்செல்லும் தென்றலில் தேடுகின்றேன் -

உன் சுவாசக் காற்றை...!